មានគំនិតចង់ធ្វើអាជីវកម្ម មិនមែនជារឿងដែលពិបាកនោះទេ​ តែផ្ទុយទៅវិញរឿងដែលពិបាកនោះគឺ ថានឹងចាប់ផ្ដើមទៅលើមុខរបរអ្វី ដែលជារឿងឈឺក្បាលបំផុត។ ដូច្នេះយើងត្រូវការពេលវេលា ដើម្បីស្ទាប់ស្ទង់ពីជម្រៅចិត្ត ឱ្យបានម៉ត់ចត់ក្នុងការប្រតិបត្តធ្វើវាឱ្យអស់ពីបេះដូង។ ហើយក្នុងការបង្កើតរបរមួយ យើងគួរគិតដល់ពេលអនាគតវា ថាតើវានឹងអាចបន្តដំណើជាមួយយើងបានដល់ពេលណា។ យើងត្រូវចាំថាយើងជាអ្នកបង្កើតវា ហើយវាគឺជាអ្នកចិញ្ចឹមយើង។ គប្បីត្រូវតែគិត ឲ្យល្អិតល្អន់បំផុតមុននឹងចាប់យករបរណាមួយនោះ។

ចង់ធ្វើជាម្ចាស់ប្រេនខ្លួនឯងមិនមែនជារឿងងាយស្រួលនោះទេ ខាងក្រោ​មនេះជាគន្លឹះសំខាន់ៗដើម្បីបង្កើតម៉ាក់ប្រេន(យីហោ)ដោយខ្លួនឯង កិច្ចសម្ភាសក្នុង កម្មវិធីធ្វើឱ្យជីវិតកាន់តែជោគជ័យ ដោយជួបផ្ទាល់ជាមួយ លោកហ៊ុយ ដាណា  ដែលជាអគ្គនាយកក្រុមហ៊ុន MK Cosmetic បានចែករំលែកបទពិសោធន៌ផ្ទាល់របស់លោកក្នុងការបង្កើតប្រេនឡើងដោយជោគជ័យ រួមមាន៖

1. ស្គាល់ខ្លួនងឱ្យបានច្បាស់

បើមិនស្គាល់ខ្លួនឯងជានរណាផល តើឱ្យគេស្គាល់ផលិតផលរបស់យើងបានយ៉ាងដូចម្តេចទៅ។ ដូច្នេះបើយើងចង់បង្កើតម៉ាក់ប្រេនមួយឱ្យកាន់តែល្បីយើងត្រូវស្គាល់អំពីខ្លួនឯងឱ្យបានកាន់តែច្បាស់ ត្រូវចោទជាសំណួរ(?)សួរខ្លួនឯងថាគោលដៅដែលយើងត្រូវធ្វើចុងក្រោយធំបំផុតនោះជាអ្វី? ទាស់តែយើងច្បាស់ខ្លួនឯងជាមុនសិន ទើបយើងអាចយកគំនិតទាំងអស់នេះមកបំបែកទៅជាផែនការសម្រាប់អាជីវកម្មរបស់យើងបាន។ តែផ្ទុយទៅវិញបើយើងមិនស្គាល់ថាខ្លួនងជានរណាផង មិនដឹងសូម្បីតែផែនកាលក្នុងគោលបំណងបើកអាជីវកម្ម គម្រោងអនាគត ការគ្រប់គ្រងវារបៀបណាផងតើវា នឹងជោគជ័យយ៉ាងមេចទៅ។ ហេតុដូចនេះចាំបាច់ណាស់យើងត្រូវតែស្គាល់ខ្លួនឯងឱ្យកាន់តែច្បាស់។

2. សាកល្បងតេស្តម៉ាក់ផលិតផល

នៅពេលដែលយើងបានសិក្សាអំពីខ្លួនឯងច្បាស់។ ត្រូវតែស្វែងរករូបមន្តផលិតផលដែលចង់យកទៅផលិតយកមកធ្វើការតេស្តសាកល្បងប្រើដើម្បីឱ្យដឹងអំពីគុណភាពជៀសវាងការផលិតខុស។ ឱ្យកាន់តែស្គាល់ច្បាស់នៅពេលដែលយើងចាប់ផ្ដើមផលិត នៅក្នុងរោងចក្រទៅមិនមានបញ្ហាដល់អ្នកប្រើប្រាស់ក្រោយទៀត ធ្វើបែបនេះម៉ាក់ផលិតផលរបស់យើងនៅពេលដែលចែកចាយ និងការធ្វើទីផ្សារបន្ថែមទៀតទៅទើបម៉ាក់ប្រេនកាន់តែល្បីទៅដល់អ្នកប្រើប្រាស់ មួយវិញទៀតអាជីវកម្មកាន់តែរីចម្រើន។

3. វេចខ្ចប់ផលិតផល

ការវេចខ្ចប់បានផ្ដល់ភាពងាយស្រួលដល់អ្នកប្រើប្រាស់ ដែលធ្វើឱ្យមនុស្សចាប់អារម្មណ៍នៃម៉ាក់ផលិតផលកាន់តែច្រើន។ ហើយវាប្រាស្រ័យទាក់ទងជាមួយទស្សនិកជនគោលដៅជួនកាលវាអាចជាផ្នែកមួយនៃអតិថិជនដើម្បីធ្វើការទិញ។ ម៉ាត់ផលិតផលស្អាត​ជាមួយគុណភាពល្អលើសពីអ្វីដែលអតិថិជនចង់បាន ប៉ុន្តែស្របពេលនេះដែលក្នុងការឆ្នៃម៉ូតផលិតផលត្រូវក្រឡេកទៅមើលប្រភេទផលិតផលដៃគូប្រកួតប្រជែងដើម្បីឱ្យការវេចខ្ចប់ផលិតផលកាន់តែល្អឥតខ្ចោះជាង នោះទើបប្រេនរបស់អាចយកឈ្នះចិត្តអតិថិជនបាន។

4. គុណភាព ផលិតផល

ចង់ក្លាយជាម្ចាស់ប្រេនគឺជារឿងងាយស្រួល ប៉ុន្តែដើម្បីឱ្យធានានូវគុណភាពផលិតផលធ្លាក់ទៅលើដៃអ្នកប្រើប្រាស់អ្នកត្រូវតែត្រួតពិនិត្យ។ បន្ទាប់ការធ្វើតេស្តសាកល្បង និងឆ្លងកាត់នៅការត្រួតពិនិត្យត្រឹមត្រូវគ្រប់លក្ខខណដោយផ្ទាល់ ជាមួយក្រសួងដែលអនុញ្ញាតឱ្យចែកចាយបាននោះកាន់តែផ្ដល់ភាពជឿកជាក់ទៅកាន់អតិថិជនយើង ព្រោះធ្វើបែបនេះមិនអាចមានហានិភ័យនៅថ្ងៃក្រោយឡើយ។ ម្យ៉ាងទៀតយើងត្រូវតែដឹងច្បាស់លាស់អំពីផលិតផលគ្រប់ម៉ាត់ដែលខ្លួនកំពុងធ្វើទីផ្សារផ្សំជាមួយគុណភាព នឹងគុណតម្លៃសមរម្យថែមទៀតផង។

5. ត្រូវជ្រើសរើសរោងចក្រ

ការជ្រើសរើសរោងចក្រពិតជាសំខាន់។ ថាតើរោងចក្រមួយណាដែលអាចផលិតផលម៉ាក់ផលិតផលរបស់យើងបាន(មានអញ្ញាប័នពីក្រសួង)ត្រឹមត្រូវ។ ដែលផលិតផលហើយយើងគ្រាន់តែយកមកសុំការអនុញ្ញាតពីក្រសួងដែលពាក់ព័ន្ធ និងត្រូវបង់ពន្ធជូនរដ្ឋតាមកម្រិតអាជីវកម្មនោះយើង នឹងអាចចែកចាយបាន។ ផ្ទុយទៅវិញបើ រោងចក្រដែលមិនមានអញ្ញប័នពីក្រសួងមិនទទួលស្គាល់ នោះប្រេនរបស់លោកអ្នកមិនអាចឈរជើងលើទៅផ្សារបាននោះទេ។

6. ដើមទុន

ដើមទុនគឺវាអាស្រ័យ នឹង​ការផលិតនៅក្នុងកម្រិតណាមួយដែលស្ថិតនៅតាមរោងចក្រមួយចំនួនដែលមានការកំណត់តម្លៃនៃការផលិត។ ដូច្នេះ ម្ចាស់ប្រេនអាច

ពិភាគសារជាមួយម្ចាស់រោងចក្រចចារតម្លៃជាមុនក្នុងការផលិតម៉ាក់នឹងឡើងជារឿងមួយសម្រាប់អ្នកដែលមានដើមទន់នៅមានកម្រិត។ ចំពោះដើមទន់នេះដែលគឺអាស្រ័យរវាងម្ចាស់ប្រន និងរោងចក្រចំពោះការចង់បានក្នុងការផលិត។

7. សិក្សាលើទីផ្សារ

• មានផលិតផលក្នុងដៃបើមិនចេះធ្វើទីផ្សារ នឹងដើរឱ្យទាន់សម័យកាលនោះផលិតផល នឹងមិនមានអ្នកស្គាល់ ឬអ្នកដែលស្គាល់មានតិចតួច។ ហើយក៏មិនអាចយកឈ្នះដៃគូប្រកួតប្រជែងបានដែរ។ ការធ្វើទីផ្សារត្រូវបានធ្វើឡើងស្របពេលនឹងតម្រូវការអតិថិជន ពីព្រោះវាជាការផ្សព្វផ្សាយនិងធ្វើឱ្យផលិតផលរបស់យើងអាចបំពេញតាមតម្រូវការរបស់អតិថិជនកាន់តែច្រើន។
• ការអភិវឌ្ឍទីផ្សារសិក្សាដោយខ្លួនឯង។ សន្មតថាយីហោរបស់យើងទទួលបានជោគជ័យក្នុងពេលមួយ។ អ្វីដែលត្រូវធ្វើបន្ទាប់គឺសិក្សាក្រុមអតិថិជន ស្វែងយល់ពីតម្រូវការរបស់អតិថិជនជាមួយ នឹងផលិតផលដើម្បីកែលម្អឱ្យមានទិសដៅកាន់តែប្រសើរ។
• កំណត់ទីផ្សារគោលដៅ ដើម្បីធ្វើឱ្យទីផ្សារមួយដែលមិនខ្ជះខ្ជាយពេលវេលា ត្រូវសិក្សាមកបំពេញតាមគោលការណ៌ឱ្យ ទៅដល់ទស្សនិកជនគោល។ សព្វថ្ងៃនេះប្រព័ន្ធផ្សព្វផ្សាយសង្គមមានច្រើនក្រៃលែងហើយមានឥទ្ធិពលទៅលើមនុស្សក្នុងសង្គមយ៉ាងខ្លាំង។ ការលើកកម្ពស់ផលិតផលតាមរយៈសង្គមគឺជាអ្វីដែលគួរឱ្យចាប់អារម្មណ៍ យើងគួរមានគម្រោងលើការលើកកម្ពស់ព្រោះគ្រប់បណ្តាញទាំងអស់សុទ្ធតែចំណាយខ្ពស់និងចំណាយច្រើន។ និងផលិតផលមួយចំនួនប្រហែលជាមិនសមស្របសម្រាប់បណ្តាញទាំងអស់ដែលយើងផ្សព្វផ្សាយដូចជាវាមានផលិតផលដែលមានរូបភាពច្រើននោះទេ។ ប៉ុន្តែវាសមស្របសម្រាប់Facebookអ្នកប្រើប្រាស់សរុប (ទាំងស្រី+បុរសឆ្នាំ២០២០មាន1,222,800), បណ្តាញ Instagram(1,222,800 ឆ្នាំ2020) ជាដើម។

• សិក្សារអំពីអតិថិជនគោលដៅ

នៅពេលមានម៉ាក់ប្រេនល្អនៅក្នុងដៃត្រូវមានការធ្វើទៅផ្សារ ដោយការកំណត់អតិថិជនគោលដៅអតិថិជន។ ម្ចាស់អាជីវកម្ម ឬអ្នកទីផ្សារមួយចំនួន​ ជាពិសេស​អ្នកចំណូល​ថ្មី បាន​យក​ចិត្តទុកដាក់ ​ទៅលើ​ការកំណត់​គោលដៅ​អតិថិជន​ទិញ និងអ្នកប្រើប្រាស់​របស់ខ្លួន។​ តើក្នុងចំណោមអតិថិជន​ទាំងអស់ តើក្រុមអតិថិជន​មួយណាដែល​តែងតែមកម្តងហើយ​ម្តងទៀត?តើ​ក្រុមអតិថិជនណាដែលតែងតែប្រាប់ និងណែនាំអ្នកដទៃ​ពីអាជីវកម្មរបស់អ្នក?តើវាល្អឬទេ ដែលយើងចាប់ផ្តើម​រៀបយុទ្ធសាស្ត្រ​ដើម្បី​ទាក់ទាញ​ក្រុមអតិថិជន​ទាំងនេះឱ្យ​កាន់តែច្រើន?

ចំណុច​មួយចំនួន​ដែលអ្នកត្រូវ​ពិចារណា​សម្រាប់អតិថិជនគោលដៅ​របស់អ្នក៖

• អាយុ : សារៈសំខាន់​នៃ​អាយុអាស្រ័យទៅលើ​សេវាកម្ម​ ឬផលិតផល​របស់អ្នក។
• ភេទ: ធម្មតា​ផលិត​ផល​មួយចំនួន​គឺផលិតមកសម្រាប់មនុស្សប្រុស ឬមនុស្ស​ស្រី ដូចនេះ នៅពេលដែលធ្វើការផ្សព្វផ្សាយ យើងត្រូវកំណត់​ភេទ ដើម្បី​ឱ្យ​ការផ្សព្វផ្សាយចំគោលដៅ។
• ទីតាំង ឬតំបន់: តើទីតាំង ឬតំបន់​គឺជា​កត្តាសំខាន់ដែរឬទេ?វាអាស្រ័យ​ទៅលើ​អាជីវកម្មរបស់អ្នក
• ចំណាប់អារម្មណ៍: ដឹងពី​ចំណាប់អារម្មណ៍​ និងចំណង់ចំណូលចិត្តអតិថិជន​ក៏ជា​កត្តាអាច​ឱ្យ​យើង​ផ្សព្វផ្សាយ​ទៅដល់​អតិថិជន​គោលដៅបាន​ល្អផងដែរ។
• តួរនាទី ឬតំណែង: វាក៏មានសារៈសំខាន់ទៅតាមប្រភេទសេវាកម្ម ឬ​ផលិតផល​ផង​ដែរ។

នៅពេលដែលអ្នកបានកំណត់រួចហើយ អ្នកអាចធ្វើការ​រៀបចំយុទ្ធសាស្ត្រផ្សព្វផ្សាយឱ្យចំ​គោលដៅ អតិថិជន​របស់អ្នកបាន។ ហើយជាពិសេសនៅពេលដែលអ្នកចំណាយលុយ​ផ្សព្វផ្សាយ​នៅលើFacebook អ្នកគួរជ្រើសរើស​ ក្រុមអតិថិជន​ទាំងនោះ​ដើម្បី​បង្កើន​ប្រសិទ្ធ​ផល នៃការលក់ឱ្យកាន់តែច្រើន។

អត្ថបទដោយ៖ ភាព ស្រីណែត